Biki Ebibaddewo Mu Umsc? pdf Book

Biki Ebibaddewo Mu Umsc?

N’ebituuse Ku Basiraamu Okuva Mu Mwaka 1979 Ogwennyiik – Kyawandiikibwa Salman Faaris

EBIRI MU KITABO

• Ennyanjula
• Ebibiina By’Abasiraamu ebyaliwo olubereberye
• Okutandikibwawo kwa UMSC
• Ebimu ku byali Mu Lukunngaana lw’e Kabale
• Ebyasalibwawo Mu Lukunngaana lw’e Kabale
• Okuteekebwawo Kwa Abakiise Mu UMSC nga tebakubye Kalulu
• UMSC Eggulawo mu Butongole
• Abakiise balonda Olukiiko Olufuzi
• Abasiraamu Baweebwa Akasozi Kampala Mukadde
• Gavumenti ya Uganda Eyingira mu Nsonga Za UMSC
• Bateekako Chief Kadhi Omulala
• Ebyatuuka Ku Basiraamu nga Amiin Agenda
• Ebitabo bye Ddiini Y’obusiraamu Mu Katale Ka Owino
• Okulonda Chief Kadhi Wa Uganda Mu
• Omulangira Badru Kakungulu Asisinkana Sheikh Kamulegeya
• Sheikh Mulumba Ayolesa obuvumu mu kukulembera UMSC
• UMSC eddamu okukola
• Abatabligh Bayingira Mu Nkayana Za UMSC
• Gavumenti Ya Kakiiko Ka Bannamagye Yeyingiza Mu Bya UMSC
• Abafuzi Abaagobwa Bawakanya Ebyakolwa Sheikh Mulumba
• Sheikh Mulumba Atikkira ba Masheikh Ababe Mu
• Okutabaganya Abakulembeze B’obusiraamu Mu
• Sheikh Kasim Mulumba Alekulira obwa Chief Kadhi
• Gavumenti Eddamu okuyingira Mu Nsonga Za UMSC
• Abakulembeze Abapya bateekateeka okulonda kw’Abasiraamu
• Sheikh Luwemba Ayita Bamasheikh Abazaalibwa mu Bugwanjuba
• Olunaku Lw’okulonda Olukiiko Olufuzi Olwa UMSC
• Okulonda Kutandika e Kibuli
• Sheikh Luwemba Agenda Ku Lubaga Road
• Gavumenti Eddamu okuyingira mu Nsonga z’Abasiraamu
• Okulonda Mufti Omulala Ku Hotel Afrikana
• Sheikh Sha’aban Mubajje akwasibwa UMSC
• Obufuzi Bwa Sheikh Sha’aban Mubajje Ku UMSC
• Bamasheikh Baggyamu Sheikh Sha’aban Mubajje Obwesige
• Supreme Mufti Alondebwa Akulembere Abasiraamu
• Abasiraamu Batwala Sheikh Sha’aban Mubajje Mu Kooti
• Enkaayana Z’abasiraamu Zaanafuya UMSC
• Abasiraamu Abazze Batemulwa
• Abakulembeze B’obusiraamu okuva mu  N’okusoomooza kwebafunye
• Sheikh Swaibu Ssemakula
• Sheikh Abdurazaake Matovu
• Sheikh Yusuf Sulaiman Matovu
• Sheikh Kasim Mulumba
• Sheikh Abdu Ubeid Kamulegeya
• Sheikh Hussein Rajabu Kakooza
• Sheikh Ibrahiim Sa’adi Luwemba
• Sheikh Ahmada Mukasa
• Sheikh Muhammadi Ssemakula
• Sheikh Sha’aban Ramadhan Mubajje
• Okuwumbawumba

Omuwandiisi Agamba:

Amatendo gonna amalungi era amajjuvu ga Allah. Okusaasira kwe n’emirembe okuva gy’ali bibeere ku Nnabbi Muhammadi (Swallallahu Alaihi wa Sallam).

Ebyafaayo by’obusiraamu n’abasiraamu mu Uganda byanjulukufu bulungi era bitegeerekeka bulungi. Obusiraamu y’eddiini eyasookera Ddala okutuuka wano mu Ggwanga era yayanirizibwa nessanyu lingi ba Kabaka abaaliwo ekiseera ekyo nebagisoma nebalagira n’abaami baabwe okugisoma. Era e mpandiika eyaliwo mu nsangi ezo, baali bakozesa nnyukuta za Luwarabu. Ebintu bingi ebizze bigwawo ku basiraamu ba Uganda ebisaana biteekebwe mu buwandiike bisomweko naabo abalijja oluvannyuma Iwaffe.

Abantu ba Uganda tulabye ebinene naye ebituuse ku Basiraamu okuva mu mwaka gwa 1979 tebisaana kwerabirwa. Simanyi oba waliwo e Nnyumba y’Omusiraamu mu Uganda etatuusibwangako kukaaba nakunakuwazibwa olwebikolobero ebizze bikolebwa ku basiraamu naye nga tewali ayamba. Naye Iwaki?

Mu Uganda tosobola kwogera ku Busiraamu n’otayogera ku kitongole kya Uganda Muslim Supreme Council (UMSC) ekyogerera Abasiraamu. Ekitongole kya UMSC ebbanga erisinga obunene kibadde mu nkaayana nakunenenngana n’okukwata obubi ebintu by’obusiraamu, ekiresse Abasiraamu okufuuka nga ba mulekwa abali ku Mbaga okutali abamanyi.

Abasiraamu batusiddwaako ebisago ebya buli ngeri bangi batemuddwa abalala bapooceza mu buduukulu bwa makomera nga mpaawo amanyi musango gubavunaanwa. Abalala baabula tewali amanyi gyebali okujjako Allah.

Ffe emyaka girabika gituwuubidde akatambala, naye twebuuza ensobi zonna ezikoleddwa mu mulembe gwaffe abaana bagenda ku zivvunuka batya? Newankubadde si kyangu kuwandiika buli kimu ekibaddewo mu UMSC, mpandiise e kitabo kino “Biki Ebibaddewo Mu UMSC” nga ngezaako okulaga ebimu ku bibaddewo.

Mpandiise nga nnina ennyiike ku Mutima okulaba ng’eddiini yaffe eyasooka okujja wano mu Uganda bweti bwefanana?! Nsaba Abasiraamu fenna tukolere obusiraamu nga Allah gwetwagala atusasule